30/May/2023   O'zbekistonning xorijdagi vakolatxonalarida

Turkiyaning yetakchi axborot agentligi O‘zbekiston OAV bilan ijodiy hamkorlikni yo‘lga qo‘yishga qiziqish bildirmoqda

ISTANBUL, 30-may. /“Dunyo” AA/. O‘zbekiston Bosh konsulxonasi xodimlari “DHA” (Demirören haber ajansı) axborot agentligi bosh direktori Jelal Korkut bilan  uchrashuv o‘tkazdilar, deb xabar  bermoqda “Dunyo” AA muxbiri.

Tadbirda, shuningdek, “DHA” bosh direktorining o‘rinbosari Bulent Ovajik hamda Yangi mediya va korporativ xabarlar bo‘limi mudiri Dog‘ukan Unal  ishtirok  etdi.

Suhbat avvalida bosh konsul Amirsaid Agzamxodjayev turk  tomonini mamlakatimizda kechayotgan muhim islohotlar, Bosh qomusimizga kiritilgan o‘zgartishlar va joriy yil  9 iyul kuniga  belgilangan muddatidan  ilgari O‘zbekiston Prezidentligi uchun saylovlar mazmun-mohiyati  bilan  tanishtirdi.

“DHA” AA bosh direktori Jelal Korkut O‘zbekiston va  Turkiya o‘rtasida  barcha  sohalarda  o‘rnatilgan juda  yaqin  aloqalarni yuqori baholadi. Shu  munosabat bilan u  “DHA” AA  O‘zbekistonning yetakchi OAV bilan  hamkorlik  o‘rnatishga  tayyorligini bildirdi.

Muloqot yakunida “DHA” rahbariyatini O‘zbekistonga amaliy  safarini tashkil etish,  tashrif  doirasida mamlakatimizning  yetakchi OAV mutasaddilari bilan hamkorlikni yo‘lga  qo‘yish maqsadida  bir qator  uchrashuvlar uyushtirish  va  agentlik platformalarida  yurtimiz sayyohlik  salohiyatiga  bag‘ishlangan materiallarni muntazam  eʼlon qilib  borish to‘g‘risida  kelishib olindi.