27/Mart/2023   O’zbekiston dunyo nigohida

Toshkentda bo‘lib o‘tadigan xalqaro oziq-ovqat ko‘rgazmasi Saudiya Arabistoni OAV nigohida

AR-RIYOZ, 27-mart. /“Dunyo” AA/.  Saudiya Arabistonidagi yetakchi onlayn nashrlardan biri - “Alharir.info” veb-saytida «Toshkentda «Uz Food 2023» xalqaro oziq-ovqat mahsulotlari va ishlab chiqarish texnologiyalari ko‘rgazmasi o‘tkaziladi» sarlavhali axborot materiali joylashtirildi, deb xabar bermoqda “Dunyo” AA muxbiri.

 Nashrda oziq-ovqat mahsulotlari va ularni ishlab chiqarish texnologiyalariga bag‘ishlangan «Uz Food 2023» xalqaro ko‘rgazmasi tadbirlari 28-30 mart kunlari Toshkent shahridagi «O‘zbekiston ko‘rgazma markazi» majmuasida bo‘lib o‘tishi xabar qilingan.

«Iteca Exhibitions» xalqaro ko‘rgazmalar kompaniyasi ushbu xalqaro tadbir munosabati bilan ommaviy axborot vositalari vakillari uchun matbuot anjumani o‘tkazdi, - deyiladi materialda. -Tashkilotchilarga ko‘ra, ko‘rgazmada tadbirlarida 28 davlatdan  280dan ortiq kompaniyalar  o‘z mahsulotlari bilan ishtirok etishi ko‘zda tutilgan.

“Alharir.info” veb-saytining yozishicha, «Uz Food 2023» xalqaro ko‘rgazmasida O‘zbekiston, Avstriya, Ozarbayjon, Belarus, Germaniya, Hindiston, Indoneziya, Eron, Italiya, Qozog‘iston, Xitoy, Koreya Respublikasi, Latviya, Litva va Malayziya kompaniyalari yirik  stendlar bilan qatnashishni rejalashtirgan.