04/Iyun/2020 Iqtisodiyot
TOSHKENT, 4 iyun. /«Dunyo» AA/. O‘zbekiston Respublikasi Prezidentining «Tashqi iqtisodiy faoliyatni yanada tartibga solish va avtotransport vositalarining ichki bozorini rivojlantirishni rag‘batlantirishga doir chora-tadbirlar to‘g‘risida» qarori qabul qilindi, deb xabar bermoqda «Dunyo» AA muxbiri Adliya vazirligi manbasiga asoslanib.
Hujjatga muvofiq, 2020 yil 1 avgustdan boshlab 8701 (traktorlar), 8702 (10 yoki undan ortiq kishini tashishga mo‘ljallangan motorli transport vositalari), 8703 (yengil avtomobillar) va 8704 (yuk tashishga mo‘ljallangan motorli transport vositalari) TIF TN kodlar bo‘yicha transport vositalarini olib kirishda amalda bo‘lgan aksiz solig‘i stavkalari bekor qilinadi.
Ma’lumot uchun, O‘zbekiston Respublikasi hududiga olib kiriladigan, aksiz solig‘iga tortiladigan tovarlarga aksiz solig‘i stavkalari O‘zbekiston Prezidentining PQ-3818-son qarori bilan tasdiqlangan.
