10/Iyun/2022   TIV yangiliklari

O‘zbekiston TIV rahbari Germaniya elchisini qabul qildi

 TOSHKENT,  10 iyun. /“Dunyo” AA/.  O‘zbekiston    tashqi  ishlar  vaziri  vazifasini bajaruvchi  Vladimir  Norov bugun Germaniya  elchisi  Tilo  Klinner  bilan  uchrashdi, deb xabar bermoqda “Dunyo” AA muxbiri.

 TIV maʼlumotiga ko‘ra, muloqot  chog‘ida  O‘zbekiston  bilan  Germaniya  o‘rtasidagi  hamkorlikning  holati  va  istiqbollari,  yuqori  va  oliy  darajadagi  muntazam  siyosiy  muloqot  va  aloqalarni  davom  ettirish  masalalari  muhokama  qilindi.

 Germaniyaning  yetakchi  kompaniyalari  bilan  savdo,  sarmoya,  yuqori  texnologiyalar,  sanoat,  qishloq  xo‘jaligi  va  boshqa  sohalarda  qo‘shma  loyihalarni  ilgari  surishga  alohida  eʼtibor  qaratildi.

 Germaniya  tomoni  O‘zbekiston  bilan  so‘nggi  yillarda  o‘zaro  manfaatli  sohalarda  aloqalar  faollashganini  ijobiy  baholadi.

 Uchrashuvda  mintaqaviy  va  xalqaro  kun  tartibining  dolzarb  masalalari  yuzasidan  ham  fikr  almashildi.

 Konstruktiv  va  ishonchli  O‘zbekiston - Germaniya  muloqotini  yana-da  rivojlantirishga  ikki  tomon  ham  tayyor  ekanligi tasdiqlandi.

Anvar Ilyasov olgan suratlar (“Dunyo” AA)