20/Yanvar/2022   TIV yangiliklari

O‘zbekiston tashqi ishlar vazirining o‘rinbosari va Ruminiya elchisi ikki tomonlama hamkorlikni yanada rivojlantirish istiqbollarini muhokama qildi

TOSHKЕNT, 20-yanvar. /«Dunyo» AA/. O‘zbekiston tashqi ishlar vazirining o‘rinbosari G‘ayrat Fazilov Ruminiya elchisi Daniel Kristian  Kiobanu bilan uchrashuv o‘tkazdi, deb xabar bermoqda «Dunyo» AA muxbiri.

Muzokaralar chog‘ida O‘zbekiston Ruminiyani Sharqiy Yevropadagi muhim va istiqbolli hamkor sifatida bilishi alohida ta’kidlandi. 

O‘zbekiston va Ruminiya ikki tomonlama formatda hamda xalqaro tashkilotlar doirasida o‘zaro manfaatli hamkorlikni rivojlantirish uchun ulkan salohiyatga ega ekani qayd etildi.

Shu nuqtai nazardan, muloqot chog‘ida siyosiy, iqtisodiy, madaniy-gumanitar sohalardagi hamkorlikni faollashtirish va kengaytirish masalalariga alohida e’tibor qaratildi. 

Ikki mamlakat parlamentlari, vazirlik va idoralari, shuningdek, ishbilarmon doiralari o‘rtasidagi muloqotni mustahkamlashdan o‘zaro manfaatdorlik qayd etildi.