Uz / Ўз Ru En

Toshkent

02/Iyul/2022   Konstitutsiyaviy islohotlar

Misrdan munosabat: Konstitutsiyani isloh qilish O‘zbekiston taraqqiyotining yangi bosqichga o‘tishi uchun muhim qadam

 QOHIRA, 2-iyul. /“Dunyo” AA/. Misrning «Ruz al-Yusuf» gazetasi bosh muharriri Isomiddin Abdulgavvod O‘zbekistonda umumxalq muhokamasiga qo‘yilgan  yangi Konstitutsiyaviy qonun loyihasi haqida o‘z fikr-mulohazalarini bildirdi, deb xabar bermoqda “Dunyo” AA muxbiri.


-Mamlakat Bosh qomusini isloh qilish O‘zbekiston taraqqiyotining yangi bosqichga o‘tishi uchun muhim qadam deb hisoblayman, - dedi u. - Ushbu o‘zgarishlar xalq turmush tarzining barcha jabhalarini qamrab olayotgani islohotlar naqadar dolzarbligini ko‘rsatib bermoqda.

O‘zbekiston rahbariyati yoshlar, ayollar va bolalar huquqlariga alohida eʼtibor qaratayotgani mening eʼtiborimni tortdi. Ularni ijtimoiy qo‘llab kuvvatlash bo‘yicha yirik loyihalar amalga oshirilmoqda. Shuningdek, davlat tomonidan xususiy mulk huquqini himoya qilinishi, tadbirkorlikni qo‘llab quvvatlanishi mamlakat rivojida muhim o‘rin tutadi. Shu sababli ushbu o‘zgartishlarni Konstitutsiyaga kiritilishi xususiy tadbirkorlikni rivojlantirish, ilg‘or iqtisodiyot tamoyillarni tadbiq etishga ishonchli poydevor qo‘yadi.

Prezident tomonidan Konstitutsion islohotlar muhokamasi chog‘ida tashqi siyosat konsepsiyasiga ham urg‘u berildi. Darhaqiqat, so‘nggi yillarda O‘zbekistonning mintaqadagi o‘rni kengayib bormoqda, jahon hamjamiyatida uning mavqei sezilarli oshdi. Bu esa joriy xalqaro siyosiy vaziyatga to‘g‘ri baho berish, tashqi tahdidlarga samarali choralar ko‘rish uchun mustahkam huquqiy baza talab etadi.

Misrda O‘zbekiston buyuk tarixga ega davlat sifatida baholanadi. Xalqlarimiz ko‘p asrlar davomida yaqin hamkorlik qilib kelgan. Ushbu muhim siyosiy islohotlarni samarali o‘tkazish va ilg‘or davlat barpo etishda muvaffaqiyatlar tilaymiz.

Ishonchim komil, dono va fidoyi o‘zbek xalqi hamjihatlik va ahillikda bildirgan barcha taklif-mulohazalarni atroflicha o‘rganib, o‘zining porloq kelajagi uchun tegishli qaror qabul qiladi.

Mavzuga oid

Erondan munosabat: O‘zbekistondagi konst...

Mamlakatimizning Tehrondagi elchisi Bahodir Abdullayev Eron Islomiy Kengashi Majlisidagi E...

Qirg‘izistondan munosabat: O‘zbekiston P...

Taniqli qirg‘iz davlat va jamoat arbobi, Qirg‘izistonning O‘zbekistondagi sobiq elchisi D...

BAAdagi vatandosh: Davlatimizning doimiy...

Birlashgan Arab Amirliklarida vaqtincha mehnat faoliyati bilan shug‘ullanadigan faol vatan...

So`nggi yangiliklar