Uz / Ўз Ru En

Toshkent

12/Avgust/2022   Iqtisodiyot

Investitsiyalar va tashqi savdo vaziriligida bo‘lib o‘tgan yig‘ilish mebel sanoatini rivojlantirish masalalari va uning istiqbollari muhokamasiga bag‘ishlandi

TOSHKENT, 12-avgust. /“Dunyo” AA/. O‘zbekiston Respublikasi investitsiyalar va tashqi savdo vazirining birinchi o‘rinbosari Aziz Voitov kecha videokonferensiya aloqasi vositasida  DSP va MDF mahsulotlarini ishlab chiqaruvchilar bilan yig‘ilish o‘tkazdi, deb xabar bermoqda “Dunyo” AA muxbiri.


Investitsiyalar va tashqi savdo vaziriligi tomonidan maʼlum qilinishicha, tegishli idoralar va tarmoq birlashmalari rahbarlari ishtirokida ushbu yo‘nalishning hozirgi holati va rivojlanish istiqbollari muhokama qilindi.

Muloqot davomida qurilish materiallari ishlab chiqarish sohasidagi joriy holatni o‘rganish natijalari maʼlum qilindi. Xususan, quyidagi faktlar keltirildi: mamlakatimizda DSP mahsulotlariga o‘rtacha yillik ehtiyoj 600000 kubometrni tashkil etadi. Bu ehtiyoj mahalliy ishlab chiqaruvchilar va asosan Eron, Turkmaniston va Rossiyaning importchi kompaniyalari tomonidan qoplanadi. Ushbu mamlakatlardan 2020 yilda 81 million dollarga 360 ming kubometr, 2021 yilda esa 136,5 million dollarga 607 ming kubometr mahsulot import qilindi.

Maʼlumki, ishlab chiqarishni mahalliylashtirish chora-tadbirlari doirasida so‘nggi yillarda mamlakatimizda DSP mahsulotlarini ishlab chiqarish bo‘yicha investitsiya loyihalari amalga oshirildi. Biroq mahalliy korxonalar tomonidan ishlab chiqarilgan mahsulotlar hali ham xorijiy analoglar bilan raqobatlasha olmaydi. Buning sababi DSP ishlab chiqarish uchun asosiy xom ashyo bo‘lgan “Formalin 37%” va “Karbamid-A”ning yuqori narxidadir. Shu munosabat bilan mutasaddilarga vaziyatni o‘rganish, xom ashyo tannarxini pasaytirish va jahon bozoridagi o‘rtacha narxlar bilan uyg‘unlashtirish bo‘yicha chora-tadbirlar majmuini ishlab chiqish yuzasidan topshiriqlar berildi.

Mamlakatning turli hududlarida DSP va MDF mahsulotlarini ishlab chiqarishga mo‘ljallangan 13 ta obyekt faoliyati tahlil qilindi. Ulardan 7 tasi to‘liq quvvat bilan ishlayotgani, 6 ta korxona esa muammolarga duch kelayotgani aniqlandi. Muhokama davomida 4 ta korxona bo‘yicha tadbirkorlarni tashvishga soladigan muammolarni hal qilish yo‘llari topildi.

Muloqot davomida ishlab chiqaruvchilarning murojaatlari tinglandi. Mamlakatda DSP va MDF ishlab chiqarishni rivojlantirish bo‘yicha har bir eʼlon qilingan muammoning yechimi alohida nazoratga olindi.

Mavzuga oid

Jahon banki guruhi O‘zbekiston bilan 202...

Jahon banki guruhining (JBG) Ijrochi direktorlari kengashi 2022-2026-yillarga mo‘ljallanga...

Xalqaro moliya korporatsiyasi aeroportla...

Transport vazirligida Jahon banki guruhiga kiruvchi Xalqaro moliya korporatsiyasining Yevr...

Buxoro viloyati tadbirkorlari bilan uchr...

Kecha Buxoro viloyati ishbilarmon doiralari tashabbusi bilan Buxoro shahri aeroportida tad...

So`nggi yangiliklar