Uz / Ўз Ru En

Toshkent

07/Aprel/2021   Sanalar

7 aprel — Butunjahon salomatlik kuni

TOSHKЕNT, 7 aprel. /«Dunyo» AA/.  Bugun Butunjahon salomatlik kuni, deb xabar bermoqda «Dunyo» AA muxbiri.


7 aprel — Butunjahon salomatlik kuni sifatida 1950 yildan beri har yili dunyo hamjamiyati tomonidan keng nishonlanib kelinadi.

1948 yil 7 aprel sog‘liqni saqlash masalalari bo‘yicha assambleyaning birinchi yig‘ilishida Jahon sog‘liqni saqlash tashkiloti (JSST)ga asos solingan. Jahon sog‘liqni saqlash tashkiloti – Birlashgan Millatlar Tashkiloti (BMT)ning sog‘liqni saqlash sohasiga ixtisoslashgan nufuzli muassasasi bo‘lib, uning tarkibiga hozirda 194 ta a’zo davlat kiradi.

Bosh qarorgohi Shveysariyaning Jeneva shahrida joylashgan JSST 6 ta mintaqaviy va 150 ta mamlakatda o‘z vakolatxonalariga ega. JSSTning O‘zbekistondagi vakolatxonasi tashkilotning Yevropa mintaqasidagi vakolatxonasi tizimiga kiradi. O‘zbekiston 1992 yil 25 may kuni JSSTga a’zo bo‘lgan. JSSTning O‘zbekistondagi vakolatxonasi 1993 yilda Toshkentda o‘z faoliyatini boshlagan. 

JSST va O‘zbekiston sog‘liqni saqlashning ko‘plab muhim masalalarida yaqindan hamkorlik qilib qilib kelmoqda. Xususan, Prezidentimiz Shavkat Mirziyoyevga BMTning yuqumli bo‘lmagan kasalliklarning oldini olish va ularga qarshi kurashish bo‘yicha idoralararo ishchi guruhi (YUNIATF) mukofoti topshirilgan.

Butunjahon salomatlik kuni – bu insonlarning salomatligi va farovonligi muhofazasi yo‘lida birgalikda chora-tadbirlar o‘tkazish maqsadida sayyoramizda istiqomat qiluvchi har bir aholining e’tiborini salomatlik va sog‘liqni saqlash muammolariga jalb qilishga qaratilgan global kampaniyadir.

Butunjahon salomatlik kunini nishonlash bilan bog‘liq bo‘lgan tadbirlar JSSTning boshchiligida tashkillashtiriladi. Ushbu kunni nishonlash munosabati bilan har yili sog‘liqni saqlash sohasida dolzarb bo‘lgan masalalarga xalqaro jamoatchilikning e’tiborini qaratish maqsadida muayyan bir mavzu belgilab olinadi.

Jumladan, 2020 yil «Xalqaro hamshiralik va akusherlik xizmati xodimlari» yili deb e’lon qilingan edi.  Koronavirus infeksiyasi dunyoga tahdid solib turgan bir paytda, tibbiyot xodimlari, xususan hamshiralar  zimmasidagi mas’uliyat yanada oshdi.

Ular tomonidan koronavirus infeksiyasiga chalingan bemorlarni sog‘ayib ketishi uchun JSST tavsiyalari asosida va xalqaro standartlar bo‘yicha tezkor va sifatli tibbiy xizmat ko‘rsatmoqda.

Mavzuga oid

O‘zbekiston Respublikasi Davlat gerbi qa...

Mamlakatimizning Turkiyadagi elchixonasida “O‘zbekiston Respublikasi Davlat gerbi to‘g‘ris...

Islomobodda “Buyuk sarkarda, mutafakkir ...

Kecha Pokiston poytaxtida “Buyuk sarkarda, mutafakkir va shoir Zahiriddin Muhammad Bobur: ...

Yaponiyada Navro‘z bayrami tantanali rav...

Kecha O‘zbekistonning Yaponiyadagi elchixonasida “Navro‘z - yosharish va yangilanish bayra...

So`nggi yangiliklar