Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

29/Июнь/2022   Тарих

Ўзбекистон археологларидан навбатдаги топилма -Сурхондарёнинг Хатак ғорида милоддан аввалги 100−40 минг йилликка оид неандертал одам макони аниқланди

ТОШКЕНТ, 29 июнь. /«Дунё» АА/. Сурхондарё вилоятининг Шеробод туманида жойлашган Сурхон давлат қўриқхонаси, Хатак бўлими, Боғли дара массивида милоддан аввалги 100−40 минг йилликка оид неандертал одам макони топилди, деб хабар бермоқда «Дунё» АА мухбири.


Туризм ва маданий мерос агентлиги маълумотига кўра, Хатак ғори 2021 йилда Ўзбекистон Фанлар академияси Миллий археология маркази докторанти Холиёр Ойназаров томонидан петроглифларни қидириш жараёнида топилган. Ёдгорликда ўрганиш ва дастлабки қазишмалар 2022 йил июнь ойида олиб борилган.

Қазишма давомида вертикал қоянинг юзасида 15−20 метр баландликда ҳосил бўлган ва кириш жуда қийин бўлган ушбу ғорда тош қуроллар, ёввойи ҳайвонларнинг майдаланган суяклари билан бирга 100−60 минг йил олдин яшаган неандертал одам ҳаётининг тўлиқ ва бузилмаган манзараси (кул, думалоқ ўчоқ қолдиқлари) сақланиб қолганлиги аниқланди.

«Айни дамда Ўзбекистон Фанлар академияси Миллий археология маркази бош илмий ходими, археолог Рустам Сулайманов ва Австралиянинг Гриффет университетининг Инсон эволюциясини тадқиқ этиш маркази палеонтологи Жулиен Луис томонидан қазишма ишлари давом эттирилмоқда», дейилади манбада.

Мавзуга оид

Эронлик олим Амир Темур таваллудининг 68...

Эроннинг таниқли тарихчи олимлари Ўзбекистон Фанлар академияси Тарих институти томонидан ў...

Турк тарихчиси: Инсон ҳаёти давомида бор...

Туркиянинг оммабоп https://www.tv100.com веб-сайтида таниқли турк тарихчиси, профессор Илб...

Бухоро вилоятидаги еттита обида Ислом ол...

Бухорода жойлашган 7 та маданий мерос объектлари Таълим, фан ва маданият масалалари бўйич...

Сўнгги янгиликлар