20/Апрель/2021 Иқтисодий дипломатия
ЖАКАРТА, 20 апрель. /«Дунё» АА/. Бугун Ўзбекистон элчиси Улуғбек Розуқулов Индонезия парламенти Вакиллар палатаси спикерининг саноат ва ривожланиш бўйича ўринбосари Раҳмат Гобел билан учрашди, деб хабар бермоқда «Дунё» АА мухбири.
Тадбирда парламент аъзолари ва сиёсий партияларнинг давлат бошқаруви ҳамда фуқаролик жамиятини ривожлантиришдаги ўрни тўғрисида фикр алмашилди.
Индонезия томонига Ўзбекистондаги кенг кўламли ислоҳотлар, шу жумладан, инсон манфаатларини таъминлаш соҳасида парламент ролини ошириш бўйича амалга оширилаётган ишлар тўғрисида маълумот берилди.
Савдо-иқтисодий ҳамкорликни ривожлантириш, хусусан, ўзаро савдо айланмаси ҳажмини оширишга алоҳида эътибор қаратилди.
Раҳмат Гобел яқин вақт ичида Ўзбекистонга ташриф буюришни режалаштираётганини билдирди.
