Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

16/Ноябрь/2021   Сайлов - 2021

Япониядан муносабат: Президент сайлови натижалари Ўзбекистон халқи ўз давлатининг келажагига бефарқ эмаслигини кўрсатди

ТОКИО, 16 ноябрь. /«Дунё» АА/. Ўзбекистон Республикаси Президенти Шавкат Мирзиёевнинг инаугурация маросими кенг халқаро жамоатчилик, хусусан, Япония ишбилармон доиралари вакилларида катта қизиқиш уйғотди, деб хабар бермоқда «Дунё» АА мухбири.


Тамаи Хироши, Япониялик халқаро кузатувчи, AOIKAI Medcal Corporation вице-президенти:

– Ўзбекистонда бўлиб ўтган Президент сайловида Шавкат Мирзиёев иккинчи бор сайловчиларнинг 80 фоиздан кўп овозини олгани - бу жуда ҳам юқори ва қувонарли натижа, деб биламан.

Президент Шавкат Мирзиёев томонидан 2016-2021 йилларда турли соҳаларда амалга оширилган ислоҳотлар, шунингдек, Ўзбекистоннинг қисқа вақт ичида эришган ижтимоий-иқтисодий тараққиёти жаҳон миқёсида юксак баҳоланиб, эътиборни жалб қилмоқда.

Давлат раҳбари навбатдаги босқичда шу вақтга қадар бошлаган ислоҳотларини давом эттиради ва бунинг натижасида Ўзбекистон ҳамда ўзбек халқи янада фаровон турмуш тарзига эришади, деб очиқ айта оламан.

24 октябрь куни бўлиб ўтган Президент сайловида Япониядан халқаро кузатувчи сифатида қатнашганимда сайловолди ҳамда сайлов жараёнлари пайтидаги тайёргарлик, яратилган тартиб-интизомни ўз кўзларим билан кўриб, эътирофга сазовор деб ўйладим. Ўзбекистон халқи ўз давлатининг келажагига бефарқ эмаслигини кўрсатиб, Президент сайловининг муҳимлигини чуқур ҳис этган ҳолда сайловда ўз фуқаролик бурчларини фаоллик билан адо этгани хорижлик кузатувчи сифатида мени жуда ҳайратлантирди.

Шавкат Мирзиёевнинг янги президентлик даврида, аввало, ҳозирда амалга оширилаётган турли соҳалардаги ислоҳотларнинг натижаси, яъни ривожланиши янада жадаллашади, деб ҳисоблайман. Хорижлик инвесторлар учун яратилаётган муҳит ва шароитлар яхшиланиб боради. Яқин келажакда Япониядан кўплаб инвесторлар Ўзбекистон бозорига кучли қизиқиш билдириб, ўз бизнесини олиб киришини очиқ айта оламан. Мавжуд вазиятдан келиб чиққан ҳолда бизнинг АОИКАИ тиббиёт корпорациямиз ҳам турли йўналишларда Ўзбекистон бозорига кириб келиш учун замин яратмоқда.

Бизнинг корпорациямиз бундан кейин ҳам Япония ва Ўзбекистон дўстлиги ва ҳамкорлиги ривожига ўз ҳиссасини қўшишда давом этади.

Мавзуга оид

Ўзбекистон Президентлигига номзодлар 24 ...

Ўзбекистон Президентлигига сайловлар бўйича кампания давом этмоқда...

Ўзбекистон Президенти сайлови натижалари...

«VoteWatch Europe» Европа таҳлил маркази сайтида «Ўзбекистонда сайлов: тарих, натижалар ва...

Ўзбекистон Президенти сайлови жараёнини ...

24 октябрь куни мамлакатимизда бўлиб ўтадиган Ўзбекистон Президенти сайловини хорижда ёрит...

Сўнгги янгиликлар