Uz / Ўз Ru En

Toshkent

Dunyo.info


28/Июль/2021   Иқтисодий дипломатия

Яна бир япон корпорацияси Ўзбекистонда қўшма лойиҳани амалга оширишга қизиқиш билдирди


ТОКИО, 28 июль. /«Дунё» АА/. Ўзбекистоннинг Япониядаги элчихонаси «IHI Corporation» корпорациясининг маркетинг бошқармаси менежери Атсуси Яги билан учрашув ўтказди, деб хабар бермоқда «Дунё» АА мухбири.

Музокаралар чоғида компания вакили Ўзбекистонда ҳаётга тадбиқ этилаётган иқтисодий ислоҳотлар ва улар бераётган салмоқли натижалар, мамлакатимизда чет эллик сармоядорлар, жумладан, бизнес юритиш учун  яратилган қулай шароитлар билан таништирилди.

Атсуси Яги ўзбек томони билан қўшма энергетика лойиҳаларини амалга ошириш, қишлоқ хўжалиги техникалари етказиб бериш, инфратузилма объектлари (туннел ва кўприклар) қурилишида иштирок этиш юзасидан қизиқиш билдирди. Бундан ташқари, корпорация электр станцияларида аммонийдан фойдаланиш соҳасидаги ишланмаларни тадбиқ этиш бўйича кенг қамровли фаолият олиб бораётганини ҳисобга олган ҳолда «IHI Corporation» вакили «Ўзкимёсаноат» АЖ маҳсулотларига алоҳида эътибор қаратди.

«IHI Corporation» вакиллари савдо-иқтисодий муносабат кўламларини фаоллик билан кенгайтиришдан то Ўзбекистонда ўз ваколатхонасини очишга қадар бўлган ўзаро ҳамкорлик юзасидан қизиқиш билдирди.

Шунингдек, япон корпорацияси томонидан Ўзбекистоннинг энергетика, қурилиш, транспорт вазирликлари билан ҳамкорлик ва қўшма лойиҳаларни амалга ошириш истиқболларини муҳокама этишга ҳам ҳозирлик билдирилди.

 «IHI Corporation» корпорацияси 1853 йилда ташкил топган. У оғир саноат соҳасидаги юқори даражадаги инженерлик салоҳиятига эга бўлган кўп қиррали ишлаб чиқарувчи корпорация ҳисобланади. «IHI Corporation» авиация двигателлари, саноат ва умумий фойдаланишда қўлланиладиган ускуналар, жумладан, энергетика ускуналари, қишлоқ хўжалиги техникалари ҳамда ижтимоий инфратузилма объектлари ва денгиз иншоотлари барпо этишга ихтисослашган. Корпорация Японияда 15 та, хорижий мамлакатларда эса 13 та бўлимига эга. Унинг йиллик айланмаси 13,4 миллиард долларни ташкил этади.

Мавзуга оид

ИТСВ:Тошкентда «Италия – Марказий Осиё» ...

Ўзбекистон Бош вазирининг ўринбосари - инвестициялар ва ташқи савдо вазири Сардор Умурзоқо...

Ўзбекистон ва Жанубий Кореянинг пойтахт ...

Мамлакатимизнинг Жанубий Кореядаги элчихонаси кўмагида бугун Тошкент шаҳар Чилонзор тумани...

ИТСВ : Германия ҳукумати 2021 йилда Ўз...

Инвестициялар ва ташқи савдо вазирлиги (ИТСВ) томонидан Германия Иқтисодий ҳамкорлик ва т...

Сўнгги янгиликлар