30/Январь/2023 Ватандошларимиз
ОҚТОВ, 30 январь. /«Дунё» АА/. Ўзбекистоннинг Оқтов шаҳридаги Бош консулхонаси вакиллари ҳамда “Пахтакор” ўзбек этномаданий бирлашмаси раиси ўринбосари Улуғбек Асадуллаев Оқтов шаҳридаги “Lados” автомобилларга техник хизмат кўрсатиш марказида бўлишди, деб хабар бермоқда “Дунё” АА мухбири..
Учрашувда республикамизда амалга оширилаётган ижобий ўзгаришлар, давлат томонидан хорижда вақтинча меҳнат фаолиятини олиб бораётган фуқароларни ижтимоий ва ҳуқуқий жиҳатдан қўллаб-қувватлаш борасида олиб борилаётган ишлар хусусида батафсил маълумот берилди.
Дипломатлар ушбу марказда меҳнат фаолияти билан шуғулланаётган ватандошларимизнинг ишлаш шароитлари билан яқиндан танишдилар. Шу ўринда меҳнат фаолияти даврида техника хавфсизлигига амал қилиш зарурлиги қайд этилди.
Учрашув сўнгида иштирокчилар ўзларини қизиқтирган саволларга батафсил жавоб олишди.
