Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

17/Июнь/2021   Ўсиш нуқтаси

Татаристон Президенти «TEXNOPARK»ка ташриф буюрди

ТОШКЕНТ, 17 июнь. /«Дунё» АА/. Амалий ташриф билан мамлакатимизда бўлиб турган Татаристон Президенти Рустам Минниханов бошчилигидаги делегация Ўзбекистон Бош вазирининг ўринбосари - инвестициялар ва ташқи савдо вазири Садор Умурзоқов ҳамроҳлигида кеча пойтахтимиздаги «TEXNOPARK» масъулияти чекланган жамиятига ташриф буюрди, деб хабар бермоқда «Дунё» АА мухбири.


Татаристоннинг 25 дан ортиқ турли корхонаси, жумладан, «КаМАЗ», «Татнефть», «ПО ЕлАЗ», «КМПО», «Қозон вертолёт заводи», «Соллерс Форд», «КЭР-Холдинг» ва бошқа компаниялари вакиллари ушбу делегация таркибидан жой олди.

 Ташрифдан кўзланган мақсад ишлаб чиқариш корхоналари салоҳияти, тайёрланаётган саноат маҳсулотлари ва маиший техника турлари билан танишиш билан изоҳланади.

Маҳсулотларнинг барча турлари намойиш этилаётган кўргазма залида юқори мартабали меҳмон «ТEХНОПАРК» МЧЖдаги барча 17 лойиҳа ҳақидаги батафсил маълумотлар билан танишди. Татаристон делегацияси, шунингдек, SAMSUNG бренди остида ишлаб чиқарилган музлатгичлар ва кир ювиш машиналарининг ишлаб чиқариш жараёнларини кўздан кечирди. Шунингдек, меҳмонларга энг замонавий юқори аниқликдаги синов ускуналари билан жиҳозланган лаборатория ҳам намойиш этилди.

 Татаристон Президенти «TEXNOPARK» МЧЖнинг саноат салоҳиятини юқори баҳолади.

Татаристон Президенти Рустам Миннихоновнинг Ўзбекистонга ташрифи дастуридан Татаристоннинг саноат салоҳияти кўргазмаси, бизнес-фoрум ва бошқа тадбирлар жой олган.

Эслатиб ўтамиз, 16 июнь куни Ўзбекистон Президенти Шавкат Мирзиёев Татаристон Президенти Рустам Минниханов бошчилигидаги Россия делегациясини қабул қилди. Учрашувда мамлакатимиз ҳудудларининг Татаристон билан ўзаро манфаатли ҳамкорлигини янада кенгайтиришнинг амалий жиҳатлари Тошкент вилояти мисолида кўриб чиқилди.

Мавзуга оид

Риштон кулоллари учун ихтисослаштирилган...

Ўзбекистон Республикаси Бош вазирининг ўринбосари Сардор Умурзоқов кеча Фарғона вилояти Ри...

Ўзбекистон Марказий банки хорижий валюта...

Ўзбекистон Республикаси Марказий банки хорижий валюталарнинг сўмга нисбатан янги курсларин...

Ўзбекистонда етиштирилган заъфарон ўсимл...

Бугун “BMB Trade Group” компанияси томонидан 1,1 миллион евро қийматидаги заъфарон доривор...

Сўнгги янгиликлар