09/Декабрь/2022 ТИВ янгиликлари
ТОШКЕНТ, 9 декабрь. /«Дунё» АА/. Ўзбекистон ташқи ишлар вазирининг ўринбосари Баҳромжон Аълоев бугун Озарбайжон элчиси Гусейн Гулиевни қабул қилди, деб хабар бермоқда «Дунё» АА мухбири.
ТИВ маълумотига кўра, 2022 йили Ўзбекистон-Озарбайжон стратегик шериклиги муносабатларида эришилган натижалар ва келгуси йил учун қўшма тадбирлар режалари муҳокама қилинди. Олий даражадаги музокаралар якунлари бўйича эришилган келишувларни сўзсиз амалга оширишга эътибор қаратилди.
Икки томонлама ҳамкорлик салоҳиятини янада мустаҳкамлашга қаратилган саъй-ҳаракатларни мувофиқлаштиришни давом эттириш муҳимлигини таъкидланди.
Анвар Илёсов олган сурат («Дунё» АА).
