Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

06/Декабрь/2022   Иқтисодиёт

Тадбиркорлар ва экспортчиларни қўллаб-қувватлаш ҳамда Ўзбекистон экспорт салоҳиятидан тўлиқ фойдаланиш чора-тадбирларини амалга ошириш вазифалари муҳокама қилинди

ТОШКЕНТ, 6 декабрь. /«Дунё» АА/. Ўзбекистон Бош прокуратурасида Бош вазир ўринбосари – инвестициялар ва ташқи савдо вазири Жамшид Ходжаев раислигида тадбиркорлар ва экспортёрларни қўллаб-қувватлаш бўйича олиб борилаётган ишлар ва мамлакат экспорт салоҳиятидан тўлиқ фойдаланиш чора-тадбирларини амалга ошириш масалалари муҳокамасига бағишланган видеоселектор йиғилиши бўлиб ўтди, деб хабар бермоқда «Дунё» АА мухбири.


Инвестициялар ва ташқи савдо вазирлиги (ИТСВ) маълумотига кўра,  йиғилишда тегишли вазирлик ва идоралар, тармоқ бирлашмалари, тижорат банклари, маҳаллий ҳокимликлар раҳбарлари иштирок этишди.

Ҳудудлар ва тармоқлар кесимида ишлаб чиқарувчилар ва экспортёрларни қўллаб-қувватлаш борасида амалга оширилаётган ишлар натижалари кўриб чиқилди. Таҳлиллар шуни кўрсатдики, жорий йилнинг январь-ноябрь ойлари мобайнида 13 миллиард долларлик маҳсулот ва хизматлар экспорт қилинди. Шу билан бирга, экспортёр корхоналарнинг  айланма маблағларини тўлдириш учун зарур кредитлар ажратиш, илгари тўланган қўшилган қиймат солиғи суммаларини қайтариш, коммунал хизматларга улаш ва энергия ресурслари билан узлуксиз таъминлаш бўйича масъул раҳбарларнинг фаолияти етарли даражада эмаслиги қайд этилди.

Ҳудудлар ва тармоқларнинг мавжуд экспорт салоҳиятидан тўлиқ фойдаланиш мақсадида экспортёрларни ҳар томонлама қўллаб-қувватлаш доирасида амалга ошириладиган чора-тадбирлар юзасидан корхоналарга бириктирилган масъул раҳбарларнинг ҳисоботлари танқидий руҳда тингланди. Экспортга етказиб бериш ҳажмини ошириш мақсадида кундалик мониторингни амалга ошириш, тадбиркорлар билан фаол ҳамкорлик қилиш ва уларни ўз вақтида ва ҳар томонлама қўллаб-қувватлаш бўйича аниқ вазифалар белгиланди.

Йиғилиш якунларига кўра, муҳокама этилган масалалар доирасида тегишли раҳбарларга қўшимча мақсадли топшириқлар берилди. Уларнинг бажарилишини назорат қилиш Ўзбекистон Республикаси Бош прокуратурасига юкланди.

Мавзуга оид

МДҲ Мувофиқлаштирувчи транспорт кенгашин...

МДҲ Мувофиқлаштирувчи транспорт кенгашининг 41-йиғилиши бўлиб ўтди...

Франция компанияси Тошкентда сув таъмино...

«SUEZ» компаниясининг халқаро ривожлантириш бўйича директори Эрик Гибали “Дунё” ААга берга...

Янгийўл туманида кичик саноат зонасини т...

Ўзбекистон Республикаси Вазирлар Маҳкамасининг «Тошкент вилоятининг Янгийўл туманида кичик...

Сўнгги янгиликлар