Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

30/Июль/2021   Парламент

Сенатнинг ўн еттинчи ялпи мажлисининг биринчи иш куни якунланди

ТОШКЕНТ, 30 июль. /«Дунё» АА/. Бугун Ўзбекистон Республикаси Олий Мажлиси Сенатининг ўн еттинчи ялпи мажлиси ўз ишини бошлади. Парламент юқори палатасининг расмий веб-сайти ва ижтимоий тармоқлардаги саҳифалари орқали тўғридан-тўғри намойиш этилган ушбу ялпи мажлисда қатор масалалар кўриб чиқилди, деб хабар қилмоқда “Дунё” АА мухбири парламент юқори палатаси матбуот хизмати маълумотига таяниб.


Шу жумладан, сенаторлар томонидан “Обод қишлоқ” ва “Обод маҳалла” дастурларининг ижроси доирасида Самарқанд вилоятида ичимлик суви таъминоти объектларини лойиҳалаш, қуриш ва реконструкция қилиш ишларида йўл қўйилаётган камчиликларни ўрганиш натижалари муҳокама қилинди.

Бундан ташқари, “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференция (Тошкент, 2021 йил 15-16 июль) якунларидан келиб чиқадиган вазифалар кўриб чиқилди. Қолаверса, 2017 – 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастурининг 2021 йилнинг биринчи ярим йиллигидаги ижроси бўйича Вазирлар Маҳкамасининг ҳисоботи, Ички ишлар вазирининг ҳуқуқбузарликларнинг олдини олиш ва уларнинг профилактикаси ҳолати тўғрисидаги ахбороти эшитилди. 

Шунингдек, Боёвут, Қарши, Бўстон, Тўрақўрғон, Олот туманлари ҳамда Каттақўрғон шаҳрини ижтимоий-иқтисодий ривожлантириш дастурлари доирасида белгиланган чора-тадбирлар ижроси, қонунларнинг ижроси ҳолати, ҳуқуқни қўллаш амалиётини ўрганиш ва қонуности ҳужжатларининг қабул қилиниши юзасидан амалга оширилган мониторинг натижалари тўғрисидаги масалалар муҳокама марказида бўлди.

Шунинг билан Ўзбекистон Республикаси Олий Мажлиси Сенатининг ўн еттинчи ялпи мажлисининг биринчи иш куни якунланди.

Мавзуга оид

Ўзбекистонда «Марказий Осиё жаҳон цивили...

Жорий йил 14-15 сентябрь кунлари ЮНEСКО билан ҳамкорликда Хива шаҳрида «Марказий Осиё жаҳ...

Сенати раиси БМТ Бош котибининг биринчи...

Ўзбекистон Олий Мажлиси Сенати раиси Танзила Норбоева кеча БМТ Бош котибининг биринчи ўрин...

Ўзбекистон Олий Мажлиси делегацияси Ваши...

Ўзбекистон Олий Мажлиси Сенати раисининг биринчи ўринбосари Содиқ Сафоев бошчилигидаги па...

Сўнгги янгиликлар