Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

28/Ноябрь/2022   Иқтисодий дипломатия

Саудиялик сармоядор Ўзбекистон уй-жой қурилиши, қишлоқ хўжалиги ва чорвачилик соҳаларига инвестиция киритиш ниятида

ЖИДДА, 28 ноябрь. /«Дунё» АА/. Ўзбекистонга хорижий инвестицияларни жалб этиш мақсадида мамлакатимиз Бош консулхонасининг саъй-ҳаракатлари билан Жидда шаҳридаги йирик тадбиркор - Муҳаммад Синди ва Навоий вилоятидаги “Tudakul Garden Park” МЧЖ раҳбари Фарҳод Сирожов ўртасида музокаралар ташкил этилди, деб хабар бермоқда “Дунё” АА мухбири.


Суҳбат давомида мамлакатимизда амалга оширилаётган кенг кўламли ўзгаришлар, иқтисодиётни либераллаштириш ва ташқи савдони ривожлантириш йўлидаги ислоҳотлар, хорижий инвесторлар учун яратилган бизнес қулайликлари ҳақидаги батафсил маълумотлар тақдим этилди.

Ўз навбатида, Муҳаммад Синди Ўзбекистонда турли соҳаларда амалга оширилаётган ислоҳотларни юқори баҳолар экан, қишлоқ хўжалиги, чорвачилик ва қурилиш соҳаларига инвестиция киритишга қизиқиш билдирди.

Ўтказилган музокаралар натижаси ўлароқ, томонлар ўртасида 300 минг долларлик “Инвестиция лойиҳасини амалга оширишда ўзаро ҳисоб-китобларни тартибга солиш тўғрисида келишув битими” имзоланди.

Ушбу сармоя шартномасига мувофиқ, Саудиянинг 300 минг долларлик инвестицияси асосида Навоий вилояти Конимех тумани Зафаробод қўрғонида жами 60 та хонадондан иборат битта беш қаватли  турар-жой биноси қурилиши режалаштирилган. Ҳозирги пайтда қурилиш лойиҳаларини ишлаб чиқиш ишлари бошлаб юборилган.

Бундан ташқари, тадбиркорлар ўртасида қишлоқ хўжалиги ва чорвачилик соҳаларида ҳам инвестиция лойиҳаларини ишлаб чиқиш ва амалга ошириш бўйича келишувга эришилди.

Мавзуга оид

Ар-Риёд шаҳрида энергетика лойиҳаларини ...

Ўзбекистон Бош вазирининг ўринбосари – инвестициялар ва ташқи савдо вазири Сардор Умурзоқо...

Афғонистон Ўзбекистон темир йўлчилари би...

Жорий йил 12-14 апрель кунлари Термиз шаҳрида Ўзбекистон ва Афғонистон темир йўл делегаци...

Жанубий Корея компанияси билан саноат со...

Мамлакатимизнинг Корея Республикасидаги элчихонаси томонидан «Ўзелтехсаноат» уюшмаси раиси...

Сўнгги янгиликлар