24/Март/2020 Иқтисодиёт
ТОШКЕНТ, 24 март. /“Дунё” АА/. “Ўзбекнефтгаз” акциядорлик жамияти қазиб олинаётган газни қайта ишлаш натижасида олинган олтингугурт маҳсулотини хорижга экспорт қилишни йўлга қўйди, деб хабар бермоқда «Дунё» АА мухбири жамият Матбуот хизмати манбасига асосланиб.
Бугунги кунда олтингугурт маҳсулотини экспорт қилиш бўйича дастлабки шартнома Буюк Британиядан рўйхатдан ўтган “Commoditrade Limited” компанияси билан имзоланди.
Шартномага кўра, 100 минг тонна олтингугурт маҳсулоти экспорт қилинади.
Бундан ташқари Покистоннинг “International Business System” компанияси билан ҳам экспорт бўйича шартнома имзоланишига эришилди. Унга мувофиқ 50 минг тонна олтингугурт маҳсулоти экспортга йўналтирилади.
