21/Январь/2022 Иқтисодий дипломатия
ТОШКЕНТ, 21 январь. /«Дунё» АА/. Кеча Ўзбекистон ташқи ишлар вазирлигида Европа Иттифоқининг мамлакатимиздаги делегацияси молиявий-техник кўмак бўлими бошлиғи Француа Бежо билан учрашув ўтказилди, деб хабар бермоқда «Дунё» АА мухбири.
Учрашув давомида Европа Иттифоқи билан молиявий-техник ёрдам йўналишидаги ҳамкорликнинг истиқболлари, шу жумладан, «Иқтисодий ва рақамли дипломатия» лойиҳасининг иккинчи босқичига Европа Иттифоқининг кўмагини жалб қилиш масалалари муҳокама қилинди.
Европа Иттифоқининг Ўзбекистон учун 2021-2027 йилларга мўлжалланган кўп йиллик индикатив дастурини мамлакатимизнинг тегишли вазирлик ва идораларини жалб қилган ҳолда самарали амалга ошириш юзасидан фикр алмашилди.
