Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

11/Август/2022   Президент

Ўзбекистон Президенти Тошкентдаги ипотека марказини бориб кўрди

ТОШКEНТ, 11 август. /“Дунё” АА/. Давлатимиз раҳбари кеча Тошкент шаҳрининг Яшнобод туманида ташкил этилган ипотека марказини бориб кўрди, деб хабар бермоқда «Дунё» АА давлатимиз раҳбари матбуот хизмати маълумотига таяниб.


Аҳолини уй-жой билан таъминлаш доим муҳим масала. Давлат ва хусусий сектор томонидан кўплаб уйлар қурилаётгани бунга имконият яратмоқда. Уларни сотиб олиш учун кўмаклашиш мақсадида ипотека кредитлари таклиф этилмоқда. Лекин бу борадаги имконият ва тартиблардан ҳамма ҳам хабардор эмас.

Масалан, жорий йилда ипотека кредитлари учун тижорат банкларига бюджетдан 13 триллион сўм ажратилиши кўзда тутилган. Лекин олти ойда аҳолига бу маблағларнинг 30 фоизи берилган, холос.

Шу боис Президентимиз 6 июль куни ўтказилган видеоселектор йиғилишида бу борада бюрократияни камайтириш, аҳолига комплекс хизмат кўрсатадиган ипотека марказлари ташкил қилиш зарурлигини айтган эди.

Биринчи шундай марказ пойтахтимизда иш бошлади. Бу ерда ипотека бозоридаги таклифлар умумлашган ва шаффоф тизим йўлга қўйилган. Ташриф буюрувчиларга Тошкент шаҳрида қурилаётган уйлар, уларга хизмат кўрсатадиган банклар, ипотека кредитлари шартлари ҳақида батафсил маълумотлар берилади. Олди-сотди, гаров ва ипотека кредити шартномаларини расмийлаштириш тартиби, уй-жойга бўлган ҳуқуқни давлат рўйхатидан ўтказиш масалаларида ҳам ёрдамлашилади. Энг муҳими, барча хизматлар бир жойда кўрсатилади.

– Халқимиз турмушини яхшилаш учун қанча қарорлар чиқаяпти, қулайликлар яратиляпти. Лекин кўпчилик бундан тўла хабардор эмас. Билганлар ҳам қаерга боришни билмай, овора бўлади. Бу марказ уй олишни истаганларга комплекс хизмат кўрсатиб, оғирини енгил қилади. Энди марказнинг электрон платформаларини ривожлантириб, одамларга янада қулайлик яратиш керак, – деди Шавкат Мирзиёев.

Давлатимиз раҳбари минглаб одамлар томорқа учун ипотекадан фойдалана олмаётганига эътибор қаратиб, мутасаддиларга бу бўйича кўрсатмалар берди.

– Томорқа ипотекасини жорий қилиш керак. Томорқа ипотекаси бу халқ ипотекаси бўлади, – деди Президент. 

Марказда қурилиш ва девелопер компаниялар ўз офисларини ташкил этган. Харидорлар учун барча шароитлар яратилган.

Мавзуга оид

АҚШ Президенти Наврўз байрами муносабати...

Ўзбекистон Республикаси Президенти Шавкат Мирзиёев Жаноби Олийларига...

Ўзбекистон Президенти: Кўксингизда ярқир...

Ўзбекистон Президентининг фармонларига мувофиқ, мамлакатимиз мустақиллигининг 30 йиллиги м...

Ўзбекистон Президенти раислигида ўтган й...

Президент Шавкат Мирзиёев раислигида 14 март куни иқтисодиётни барқарор ривожлантириш, дав...

Сўнгги янгиликлар