29/Июнь/2022 Парламент
ТОШКЕНТ, 29 июнь. /«Дунё» АА/. Ўзбекистон Олий Мажлиси Сенати Раиси Танзила Норбоева бошчилигидаги парламент делегацияси жорий йилнинг 29 июнь – 2 июль кунлари расмий ташриф билан Озарбайжонда бўлади, деб хабар бермоқда «Дунё» АА мухбири.
Парламент юқори палатаси маълумотига кўра, ташриф доирасида парламент делегацияси икки томонлама учрашувлар ўтказади, шунингдек, икки мамлакат хотин-қизларининг иқтисодий имкониятлари ва салоҳиятини кенгайтиришга қаратилган Ўзбекистон ва Озарбайжон тадбиркор аёлларининг биринчи бизнес-форуми ташкил этилади.
Бундан ташқари, Ўзбекистон делегациясининг Қўшилмаслик ҳаракати парламент тармоғи мажлисида иштирок этиши ҳам режалаштирилган.
