Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

10/Октабрь/2022   Илм-фан

Ўзбекистон 2024 йилда 8-жаҳон пахта тадқиқотлари конференциясига мезбонлик қилади

ҚОҲИРА, 10 октябрь. /«Дунё» АА/. Ўзбекистон инновацион ривожланиш вазири Иброҳим Абдураҳмонов бошчилигидаги делегация Мисрнинг Қоҳира шаҳрида бўлиб ўтган Халқаро пахта тадқиқотчилари ассоциацияси Ижроия қўмитаси йиғилишида иштирок этди, деб хабар бермоқда «Дунё» АА мухбири


Йиғилишда Ассоциация Ижроия қўмитасига аъзоларни сайлаш ва йўналишлар бўйича гуруҳларни шакллантиришга оид мунозаралар ўтказилди.

Иброҳим Абдураҳмонов Халқаро пахта тадқиқотчилари ассоциацияси маслаҳатчиси этиб сайланди ва халқаро ташкилотнинг доимий аъзоси сифатида овоз бериш жараёнларида иштирок этди.

Тадбирда, шунингдек, Халқаро пахта тадқиқотчилари ассоциациясининг навбатдаги 8-жаҳон пахта тадқиқотлари конференциясини ўтказиш учун талабгор давлатлар сифатида Ўзбекистон, Ҳиндистон ва  Покистоннинг тақдимотлари ўрганиб чиқилди. Якунда ижро қўмитаси аъзолари  ушбу нуфузли тадбирни 2024 йилда Ўзбекистонда ўтказилишини ёқлади.

Ўзбекистон  делегацияси, шунингдек,  Миср пахта арбитражи ва синови бош ташкилоти (CATGO) раиси Муҳаммад Халил Хедр билан учрашув ўтказди.

Мулоқот натижасида томонлар «CATGO» ва Ўзбекистон Вазирлар Маҳкамаси ҳузуридаги «SIFAT» пахта толасини сертификатлаш маркази ўртасида алоқаларни ўрнатиш, тажриба алмашиш бўйича онлайн музокаралар ташкил этиш,  ўзбекистонлик мутахассислар учун «CATGO» ўқув курсларида таълим олиш учун грант ажратиш бўйича келишувларга эришди.

Мавзуга оид

Қорақалпоғистон олий ўқув юртлари ва Ҳин...

Ўзбекистоннинг Ҳиндистондаги элчиси Дилшод Ахатов Тошкент ахборот технологиялари университ...

Германия элчихонаси талабалар ва ёш олим...

Германиянинг Ўзбекистондаги элчихонаси Берлин депутатлар палатаси Таълим фондининг стипенд...

«Рақамли дипломатия» соҳасида Туркия та...

Ўзбекистон Республикасининг Анқарадаги элчихонаси ташаббуси билан Ўзбекистон ёшлари Умумжа...

Сўнгги янгиликлар