Uz / Ўз Ru En

Toshkent

24/Февраль/2020   Иқтисодиёт

Осиё тараққиёт банки делегацияси билан экологик тоза транспортни ишлаб чиқариш соҳасида ҳамкорлик муҳокама қилинди


ТОШКЕНТ, 24 февраль. /«Дунё» АА/. Ўзбекистон Республикаси Энергетика вазирлигида Осиё тараққиёт банки маслаҳат кенгаши вакиллари билан учрашув бўлиб ўтди. Унда электр энергияси билан ишлайдиган транспорт воситаларини ишлаб чиқаришни кенгайтириш истиқболлари муҳокама қилинди, деб хабар бермоқда “Дунё” АА мухбири вазирлик манбасига асосланиб.

Осиё тараққиёт банки миссиясининг мақсади Ўзбекистонда электр транспортини ривожлантириш сиёсати ва стратегиясини ишлаб чиқишда ўз маслаҳатлари билан иштирок этишдан иборат. Шунингдек, электр билан ҳаракатланувчи транспортларнинг атроф-муҳитга таъсирини таҳлил қилиш, солиқ, тарифлаш, субсидия ажратишда иқтисодий оқибатларни баҳолашдир.

Учрашувда техник ёрдам кўрсатишнинг асосий йўналишлари, ресурсларни тежаш, батареялар ишлаб чиқариш, электр билан ҳаракатланувчи транспорт воситаларини босқичма-босқич жорий этишнинг асосий йўналишлари юзасидан фикр алмашилди. Бу борада тегишли стандартларни амалга ошириш, зарур инфратузилмани яратиш кераклиги қайд этилди.

Эслатиб ўтамиз, мамлакатда электр транспортини ривожлантириш масалалари Ўзбекистон Республикаси Президентининг 2019 йил 22 августдаги “Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологияларни жорий этиш ва қайта тикланувчи энергия манбаларини ривожлантиришнинг тезкор чора-тадбирлари тўғрисида”ги қарори ижроси доирасида кўриб чиқилмоқда.

Мавзуга оид

ЮНКТАД Ўзбекистон иқтисодиётидаги ижобий...

БМТнинг Савдо ва ривожланиш бўйича конференцияси (ЮНКТАД) "Пандемиядан кейинги халқаро ишл...

Бош вазир ўринбосари бошчилигидаги ишчи ...

Ўзбекистон Республикаси Бош вазирининг ўринбосари Сардор Умурзаков бошчилигидаги ишчи гуру...

«Ислом энциклопедияси»нинг биринчи жилди...

«Ислом энциклопедияси» биринчи жилдининг тақдимоти бўлиб ўтди...

Сўнгги янгиликлар