06/Август/2021 Долзарб
КУАЛА-ЛУМПУР, 6 август. /«Дунё» АА/. Бугун Туркманбоши шаҳрида бўлиб ўтган Марказий Осиё давлатлари раҳбарларининг навбатдаги Маслаҳат учрашуви Малайзиянинг ижтимоий-сиёсий, эксперт-таҳлилий ва илмий-академик доиралари вакиллари орасида катта қизиқишга сабаб бўлмоқда, деб хабар бермоқда «Дунё» АА мухбири.
Макс Сей, «Kingsley Strategic Institute» ижрочи директори:
- Президент Шавкат Мирзиёевнинг қўшнилари билан муносабатларни ривожлантиришнинг ўта прагматик стратегияси Марказий Осиёда мутлақо янги муҳитни яратди ва бу ўз мевасини бера бошлади. Туркманбоши шаҳрида бугун бўлиб ўтган олий даражадаги тадбир шундан далолат бериб турибди.
Ўзбекистон раҳбарининг савдо алоқаларини ошириш, транспорт-транзит салоҳиятини ривожлантириш, озиқ-овқат хавфсизлигини таъминлаш, шу жумладан, бу соҳаларда махсус минтақавий мониторинг тизимини жорий этиш, вирусли касалликларнинг олдини олиш ва даволаш бўйича тажриба алмашиш каби ташаббуслар пандемия билан боғлиқ бугунги мураккаб даврда жуда муҳим ва ўз вақтида амалга оширилмоқда.
Шунингдек, Ўзбекистонда Орол денгизи инқирозининг салбий оқибатларини камайтириш борасида амалга оширилаётган чора-тадбирларни алоҳида қайд этишни истайман.
Шу муноcабат билан «Марказий Осиё учун «яшил» кун тартиби» минтақавий дастурининг ишлаб чиқилиши ушбу табиий офат оқибатларини юмшатишга хизмат қилиши шубҳасиз, деб ўйлайман.
Ўзбекистон раҳбариятининг фақат биргаликда минтақа олдида турган муаммолар ечимига эришиш, унинг бақарор ривожланишини таъминлаш ва аҳоли фаровонлигини ошириш мумкинлиги ҳақидаги қарашларига тўлиқ қўшиламан.
