04/Декабрь/2022 Ўзбекистон дунё нигоҳида
АЛ-КУВАЙТ, 4 декабрь. /“Дунё” АА/. Ўзбекистон Республикасининг Давлат мадҳияси қабул қилинганининг 30 йиллиги муносабати билан Кувайтдаги “Harvard American Bilingual School” мактабида ўтказилган халқаро фестиваль доирасида ватандошларимиз иштирокида ташкил этилган Ўзбекистон бўлмасида республикамизнинг тарихи ва замонавий ривожланишига бағишланган фотосуратлар ҳамда амалий санъат асарлари намойиш этилди, деб хабар бермоқда “Дунё” АА мухбири.
Ўзбекистон бўлмасидан жой олган ахборот материаллари фестиваль иштирокчиларида катта қизиқиш уйғотди.
Тадбирда мазкур мактабнинг ўқитувчиси, Ўзбекистон Республикаси фуқароси Олимхон Шукуров раҳбарлик қилаётган 5-синфнинг кувайтлик, мисрлик, покистонлик ва бошқа мамлакатларига мансуб ўқувчилари мамлакатимиз Давлат мадҳиясини ўзбек тилида куйлаб беришди.
