Uz / Ўз Ru En

Toshkent

Dunyo.info


СиёсатИқтисодиётДолзарбСайёҳликЎзбекистон дунё нигоҳидаЯна рукнларАрхив

28/Июнь/2022   Спорт

Истанбулда ўзбек кураши бўйича Ўзбекистон Президенти кубоги учун халқаро турнир ўтказилди

ИСТАНБУЛ, 28 июнь. /«Дунё» АА/. Истанбул шаҳрида Ўзбекистон Президенти соврини учун ўзбек миллий кураши бўйича халқаро турнир ўтказилди, деб хабар бермоқда «Дунё» АА мухбири.


Халқаро мусобақа Ўзбекистон Кураш федерацияси ва мамлакатимиз Бош консулхонаси билан ҳамкорликда ташкил этилди.  

Турнирнинг расмий очилиш маросимида Истанбул шаҳар раҳбарияти, Европа кураш федерацияси, Туркия спорт ва ёшлар вазирлиги, «Ўзбекистон маданияти ва бирдамлиги жамияти», «Авразия» федерацияси вакиллари, Россия, Тожикистон, Туркманистон дипломатлари  ва журналистлар  иштирок этди.

Ўзбекистон Бош прокурори ўринбосари Эркин Йўлдошев, Ўзбекистон кураш федерацияси раисининг биринчи ўринбосари Комил Юсупов, Бош консул Амирсаид Аъзамхўжаев полвонларга омад тилади.

Ўзбек курашининг тарихи ва ўзига хос жиҳатлари, ёшлар қалбида миллий ғурурни юксалтириш, ватанпарварлик, мардлик, олижаноблик  тўйғуларини шакллантиришда катта аҳамият касб этиши ҳақида сўз юритилди. Халқаро майдонда ўзбек курашининг обрўсини ошириш,  муштарак қадриятларимизни дунёга намойиш этиш борасидаги амалий чора-тадбирлар алоҳида эътибор қаратилди.  

Турнирда Афғонистон, Болгария, Латвия, Озарбайжон, Тожикистон, Туркия, Туркманистон, Қозоғистон ва Ўзбекистондан 30 дан зиёд курашчи ўзаро беллашди.

Эркаклар ўртасидаги беллашувларда ҳамюртимиз Муҳаммадкарим Ҳуррамов, аёллар ўртасида эса туркиялик Эже Зурнажи халқаро турнирнинг мутлақ  ғолиблари бўлди.

Турнир ғолиб ва совриндорларига  ташкилотчилар томонидан мукофотлар топширилди.

Мавзуга оид

Ўзбекистон ва Эрон ёшлар терма жамоалари...

Футбол бўйича Ўзбекистон ёшлар терма жамоаси (U-23) аъзолари Таиландда бўлиб ўтаётган Осиё...

Тожикистон: Душанбеда «Samarkand Half Ma...

Мамлакатимизнинг Тожикистондаги элчихонаси Ўзбекистон Республикаси Маданият вазирлиги ҳузу...

Ўзбекистон поло спортини ривожлантиришда...

Мамлакатимиз элчихонаси кўмагида Ўзбекистон поло федерацияси раҳбарияти, Малайзия Қиролли...

Сўнгги янгиликлар