05/Сентябрь/2022 Ўзбекистон Мустақиллигининг 31 йиллиги
ПАРИЖ, 5 сентябрь. /"Дунё" АА/. Ницца шаҳри мэри Кристиан Эстрози (Франция) Президент Шавкат Мирзиёевнинг Ўзбекистон мустақиллигининг 31 йиллигига бағишланган тантаналардаги нутқига ўз муносабатини билдирди, деб хабар қилмоқда "Дунё" АА мухбири:
- Ўзбекистон давлат мустақиллиги куни нишонланадиган ушбу қувончли кун муносабати билан ўзимнинг энг самимий табрикларимни изҳор қиламан.
Чуқур рамзий маънога эга ушбу сана ҳамкорлигимизнинг янги босқичи бошланаётганини ҳам англатади. Мен шаҳарларимиз, маданиятлар чорраҳаси ва Жаҳон мероси объектлари ўртасидаги ҳамкорликни мустаҳкамлашни олқишлайман ва бу жараёнда фаол иштирок этишимни мамнуният билан таъкидлайман.
Мамлакатларимиз ўртасидаги йирик тадбирлар арафасида 2022 йил октябрь ойида Самарқанд кунини нишонлашга бағишланган тадбирга таклиф учун миннатдорлик билдираман.
Ўзбекистон давлат мустақиллигининг 31 йиллиги муносабати билан энг эзгу ва самимий тилакларимни қабул қилинг!
